حلت الفنانة أيتن عامر ضيفة على الإعلامية بسمة وهبة في برنامجها “العرافة”، الذي تقدمه على قناة النها، حيث تحدثت خلال الجزء الثاني من الحلقة عن خلافها مع الفنانة منة فضالي، وسبب حذفها فنانة شاركتها في أحد الأعمال، كما ردت على انتقادات رقصها في مسلسل “زوجة واحدة لا تكفي” المعروض في السباق الرمضاني الحالي، إضافة إلى حديثها عن موقف أهلها من طلاقها.
قالت آيتن:
– معرفش سبب الخلاف مع منة فضالي، هي اللي عملالي بلوك، وعرفت ده بالصدفة.
– كنت بعمل مسلسل بطولة نجم راجل، وأنا كنت البطولة التانية ومكنش في مشكلة في كتابة الاسم لحد آخر يوم تصوير وفي نفس اليوم حصل إن بطلة ما عملت نفسها مغمى عليها في المسلسل وفجأة بتفرج في موسم رمضان على المسلسل لقيت اسمي تالت اسم في التتر، فكلمت حد أفهم إيه السبب وإن الست لما عرفت انهارت عشان نجوميتها وقالت ليهم مش مكملة تصوير غير لما تكتبوا اسمي التاني.
– لو الناس زعلانة إني رقصت في مسلسل “زوجة واحدة لا تكفي” يبقى مانتفرجش بقى على مسلسلات خالص، المسلسل جريء وصادم مش عشان دوري بس والفن دوره إنه يسلط الضوء على المشاكل الاجتماعية.
– إحنا مش هدفنا ندفن راسنا في الرمال، وأي دور واجبنا نسلط عليه الضوء وعملت أدوار زي علي بابا.
– رفضت أشتغل في مسلسل “شارع الهرم” رغم إنه كان دور أي ممثلة تتمناه ونور الغندور عملت العمل والدور كان حلو بس أنا مكنش عندي وقت للمسلسل وكنت برا مصر.
– أهلي عمرهم ما كانوا ضدي في طلاقي بس كانوا عاوزين البيت مايتخربش زي أي حد.
– حاسة بالظلم من فترة أنا مش محتاجة دخل وطالما معايا فلوس باكل وبشرب، وأصرف على أولادي تمام.
– زمان كنت بقبل أي عمل حتى لو مش راضية عنه وكنت دائمًا بخاف أقول لا ولو كان أي حد قال لي اسمك هيفرق معايا كنت بوافق، وكانت نصيحة وفاء ليا دايمًا إن اللي بيرفضوا أعمال بيوصلوا أكتر وبيكونوا أقوى.
– قولت الفنانين بيشتموا بعض، وكنا بنقعد أصحاب في قعدات وبوس وأحضان وبعدها تقوم يتقال دي عملت وعملت ودا بيحصل من الشطار للأسف.
– اللي قابلته بسبب شطارتي كان أصعب من اللي بشوفه لو أنا إنسانة وحشة وأنا لو كنت شريرة مكنتش هشوف ده.
– أنا مش معقدة وممكن أتجوز راجل متزوج بشرط إنه يعرف مراته.
: