في لقائه مع الإعلامية إنجي هشام، في برنامج “المنسي” المذاع عبر شاشة قناة “هي”، كشف الفنان نادر أبو الليف عن تعرّضه لمحاولة قتل داخل المستشفى، كما تحدّث عن علاقته بطليقته الفنانة علا رامي.
وقال أبو الليف: “تعرضت لمحاولة قتل وأنا في المستشفى سنة 2015، كنت في غيبوبة وعندي المدام وأخوها وعديلي، والدكتور قالهم لازم تجيبوا الدواء ده قبل 8 الصبح وإلا هيكون في خطر على حياته، وهما لفّوا إسكندرية كلها وجابوه وكانوا في المستشفى الساعة 8 إلا تلت، ولقوا واحد طالع جري ولقوا الدنيا مقلوبة، واللي دخل كسر جهاز التنفس من الشق الحنجري والأجهزة سمعت والدكتور جه جري، ومنعوا الزيارة عني، وبلّغوا أهلي إنها محاولة قتل”.
وعن علاقته بطليقته الفنانة علا رامي، قال نادر أبو الليف: “أنا مسيبتش علا رامي لما اتشهرت، وفي بينا عيش وملح وتقدير واحترام، وهي بنت بلد ومحترمة وميطلعش من بقّها العيبة وهي مقالتش ده أبداً، وأنا بكنّ ليها كل التقدير والاحترام لأني كلت في يوم لقمة من إيديها”.