الانزلاق الفنى أو ما يُعرف بـ«الباتيناج الإيقاعى»، واحد من الفنون التى انتشرت فى مصر لفترات طويلة، لكنها اختفت بعض الوقت من الممارسة العامة، لتعيدها للأضواء البطلة المصرية مريم البدوى.
رحلة «مريم» مع احتراف «الباتيناج»
تحكى «مريم»، 23 عاماً، خلال حديثها لـ«»، رحلتها مع احتراف «الباتيناج» التى وصلت بها للتصعيد للمشاركة ببطولة ألعاب التزلج الفنى العالمية 2024 التى ستقام فى إيطاليا من 6 إلى 22 سبتمبر: «الموضوع كله بدأ لما جالى باتيناج هدية عيد ميلادى وأنا صغيرة، ومن وقتها مش بقلعه من رجلى، وماما ساعدتنى كتير واشتغلت على موهبتى، خلتنى أبدأ هوكى علشان أتأسس صح ويكون إيقاعى سريع فى اللعبة، وبدأت فى الباتيناج وأنا عندى 9 سنين».
تعتبر تلك البطولة العالمية هى الثالثة للاعبة المنتخب المصرى، إذ إنها شاركت للمرة الأولى عام 2019 فى برشلونة، وحصلت على بطولة الجمهورية 5 سنين على التوالى: «هدفى أجيب ميدالية لبلدى أو أكون من أفضل 10 فى المسابقة وببذل كل اللى أقدر عليه علشان أحقق ده».
شغف ممارسة الرياضة
ممارسة تلك الرياضة هى الشغف الدائم لدى مريم التى أوجدت له مساحات دائماً فى حياتها: «كنت بروح من المدرسة أنزل التمرين وبعدين أروح أذاكر وأنام، ده فضل روتينى اليومى لحد ما خلصت جامعة، وكان بيتقدملى الدعم من الجامعة إن إزاى أقدر أضبط يومى من غير ما أقصر فى التدريب أو المذاكرة، وأنا صغيرة كان كل الأطفال بيتفرجوا على كرتون لكن أنا كنت بتفرج على فيديوهات باتيناج فنى وجليدى»، كما أنها تهوى ممارسة تلك اللعبة فى شقها الفردى بعيداً عن الجماعى.
المشاركة مع المنتخب المصري
وعبرت «مريم» عن سعادتها لمشاركة المنتخب المصرى فى بطولة العالم للانزلاق ووجود أشخاص داعمين لها، ووعدت بتقديم مستوى يليق بمصر.