لم يتخيل الشاب المصري «محمد»، أن الصدفة ستقوده للزواج من الأوكرانية «تاليا»، عندما التقى بها للمرة الأولى أثناء عمله في إحدى فنادق شرم الشيخ، ليتزوج بها بعد أن وقع في حبها من النظرة الأولى، دون حاجة إلى شراء شبكة لها، وكذلك بعض المحتويات الأساسية على غرار «النيش».
وروى «محمد» خلال حديثه في بث مباشر لـ«»، تفاصيل ارتباطه بـ «تاليا»، إلا أن زواجه من أوكرانية وعدم شراء مهر لها، تسبب في نشوب مشادة بين السيدات والرجال حول الارتباط بأجنبية، ما بين غضب السيدات من الزواج بسيدات غير مصريات، ودعم من بعض الرجال لقراره، حتى يتعلم أهالي بعض البنات في مصر، ضرورة عدم طلب شبكة مرتفعة الثمن يصعب على الشباب شرائها.
خناقة بين السيدات والرجال حول الارتباط بأجنبية
وعبرت السيدات عن غضبها من زواج مصري بأوكرانية، وأن بنت بلده أولى به، من خلال التعليقات على البث المباشر، إذ علقت أمل عباس: «تمام لكن يقدر يتعصب عليها ولا يديها قلم، دي توديه ورا الشمس، وأصلا كمان يوم ما تزهق منه، تسيبه بكل بساطة مش زي المصرية تعيش وتعمر كتير غير الحشمة والدين»، وهاجمتها «بكيزة خليل»: «هو نصيب، بس أغلب الأوكرانيات عموما صفر وسماويين».
ودعمتهن حساب يحمل اسم «زينب محمد» بتعليقها: «ماتفرحش أوي كده، لو خلفت منها ممكن في أي وقت تاخد العيال ومتشوفهمش تاني»، بينما وجهت «سوما أحمد» اللوم له، قائلة: «أنتم بتستسهلوا ما كده البنات هتعنس ما كل واحد يجيب اللي يقدر عليه»، ونصحته «أميرة محي»: «الموضوع مش فلوس وشبكة ومهر ونيش، الموضوع إنك بتختار أم لأولادك تحسن تربيتهم وتعلمهم أمور دينهم».
بينما دعم «أحمد حامد» قراره بالزواج من أوكرانية، قائلا: «الفيديوا ده هيخلي الأوكرانيات كلهم ينزلوا مصر، وكلوا هيتجوز تاني، حلو أوي»، وأيده حساب يحمل اسم «الأمل بالله»: «يلا خلي البنات المصرين يفرحوا بالعنوسة بقي علشان طلباتهم وطلبات أهلهم اللي مش معقوله».
وعلى الطريقة ذاتها، عبر حساب يحمل اسم «سوسو أحمد»، عن فرحتها بالزواج من الأجانب، لإجبار الأهالي في مصر على تخفيض طلبات المهر، قائلة: «مبروك وربي يسعدكم، لكن لازم ده يكون جرس إنذار لكل الأهالي يخففوا طلباتهم على العريس من دهب ومنقولات وغيره، لأنه مش هيقدر وهيمشي ويتزوج أجنبية ملهاش طلبات».