| شبيه تامر حسني: أنا مهندس وشاعر.. والشبه ظلمني «فيديو»

«يخلق من الشبه 40».. مثل شعبي شهير يعبر به الناس عن تعجبهم عند رؤية شخصين بينهما تشابه في الملامح، ويعبر عن حالة شاب يعمل مهندسا في الاتصالات، اسمه محمد مخلوف، مشهور باسم «شبيه تامر حسني»، بسبب الشبه الكبير بين ملامح النجم المعروف والشاب المهندس.

محمد مخلوف يعمل مهندسا متخصصا في الاتصالات، غير أنه يؤلف الشعر، ونُشر له حوالي 8 إصدارات من دواوين شعرية اسمها «عم يا صاحب الجمال»، ويحب الرسم ويبدع فيه، ويتسبب الشبه الكبير بينه وبين الممثل والمغني المعروف تامر حسني في أزمة له.

محمد مخلوف: الشبه بيني وبين تامر حسني ظلمني

يقول مخلوف، خلال بث مباشر عبر صفحة «» على فيسبوك: «الموضوع بالنسبة لي لا يمثل شيء إلا ربنا خلق اتنين شبه بعض في الملامح مش أكتر، لكن بشوف ناس بتعتمد على دا في الوصول للشهرة، بقولهم خلوا بالكوا إن دا هيأثر عليكوا بالسلب من غير ما تشعروا، لأن كل إنسان جايز يكون جواه حاجات أحلى من اللي عند الشخص المشهور اللي يشبهه».

الشبه بين مخلوف وتامر حسني، كما يصف مهندس الاتصالات، ضرَّه ولم يفده أبدا «الموضوع دا ضرني في حاجات زي إن الناس تفتكر إني بقلد تامر حسني، ودي حاجة تضايق، في طريقة ضحكة معينة الناس كانت بتقولي إنت مقلده فيها، أنا مش بقلد حد، لكن ناس كتير مش بتفهم دا، موضوع الشبه دا بيظلمني».

ويحكي المهندس محمد مخلوف «من صغري وكلمة فنان دي بتتقالي، كنت برسم وأنا في ابتدائي، الحس الفني موجود عندي من صغري، عيلتي مليانة فنانين، لكن مش كل الناس عندها وعي وفهم لأن اللي بيشوفوه تقليد دا مجرد توارد أذواق عادي».

مواقف تعرض لها مخلوف بسبب الشبه بينه وبين تامر حسني

من ضمن الأعمال الفنية التي تخص مخلوف، تصميم غلاف كتاب الفنان أحمد حلمي «شفرة حلمي»: «هو اللي كلمني وشاف شغلي وتواصل معايا، وهو راجل في منتهى الرقي، عملتله تصميم غلاف كتابه شفرة حلمي، بعد ما شاف شغلي على السوشيال وعرف إني أنا اللي بعمل تصميمات الدواوين بتاعتي، بس مقابلتوش، كل دا من خلال الموبايل».

من المواقف التي تعرض لها مهندس الاتصالات محمد مخلوف بسبب الشبه بينه وبين تامر حسني «مرة كنت في الساحل، لاقيت حد من قرايبي داخل عليا بجيش من صحابه على أساس إني تامر حسني، وبيتصوروا معايا، وفي بنات بتيجي تسلم على أساس إني أنا هو».