تسافر «شهد» بين الحين والأخر، من محل سكنها بمدينة طنطا بمحافظة الغربية، قاصدة «وكالة البلح»، الكائنة بوسط القاهرة، لشراء قطع الملابس المميزة «ماركات عالمية»، لتوفرها لزبائنها بسعر لا يقارن مع سعرها في المحلات المختلفة.
«شهد جعفر»، طالبة بكلية الألسن جامعة كفر الشيخ، افتتحت المشروع بعد إنهائها مرحلة الثانوية العامة مباشرة، بغرض الإستقلال بذاتها ماديًا وتوفير نفاقاتها من ملابس وخلافه في سن مبكر، وفق ما روته «شهد»، لـ«».
بدأت «شهد» مشروعها بـ 500 جنيه
مشروع «شهد» لبيع الملابس أون لاين، بدأ بميزانية قليلة للغاية، كانت 500 جنيه فقط، حسب ما أكدته طالبة كلية الألسن، التي بدأته حين زارت الوكالة ووجدت بها ماركات عالمية: «وأنا في ثانوية عامة، انتشر بشكل كبير تريند الوكالة، وناس كتير عرفت إن فيها لبس كتير براندات، وكنت واحدة من الناس دي، فلما نزلت الوكالة ولقيت فعلا فيها لبس جميل وشيك وفي نفس الوقت رخيص جدًا، فكرت في مشروعي، بس إنشغالي بالمذاكرة في الثانوية العامة، دفعني لتأجيله».
أهداف «شهد» من هذا المشروع: «كارير وبيزنس خاص»
واتجهت صاحبة الـ 18 عامًا حاليًا، إلى تخطيط وتنفيذ هذا المشروع لعدة أغراض، يأتي في مقدمتها أن تتكفل بكل مصروفاتها، كما أنها وجدت في هذا المشروع بذرة لإنشاء كيان عملي خاص بها: «من أول لحظة وعايزة أعمل كارير لنفسي، وبيزنس خاص بيا، وده اللي بحاول أعمله من خلال مشروعي، أنا بتعب فيه جدًا على فكرة، وبنقي كل قطعة ببيعها بنفسي مش بشتري جملة، وعشان كدا بحس إن ربنا مسهلي أموري حتى الآن».
مشروع «شهد» مر عليه أكثر من سنة حتى الآن، وتتمنى أن يستمر هذا المشروع ويظل قائمًا لما بعد تخرجها من كلية الآلسن جامعة كفر الشيخ: «مش عارفة الصراحة هكمل في ولا لأ، بعد ما يبقى عندي شغل مستقر بعد التخرج، بس أنا حاليًا سعيدة بيه، وبسعى عشان يكمل ويفضل ناجح، واللي جاي بتاع ربنا، محدش عارف ممكن أروح بالمشروع ده لحد فين».