فجر الدكتور حسام موافي أستاذ طب الحالات الحرجة بطب القصر العيني مفاجأة حول الصداع النصفي، مشيرًا إلى أن الصداع النصفي من مشاكل الطب، وليس له علاج جذري، مضيفًا أنه يحدث في السيدات أكثر من الرجال ويأتي للأذكياء.
بيجي للستات أكتر من الرجالة
وقال الدكتور حسام موافي في تصريحات تلفزيونية: «الصداع النصفي بيجي في الستات أكتر من الرجالة وبيجي في الأذكياء، يعني بفضل الله اللي طلع مش ذكي ربنا حاميه من الصداع النصفي وهو مرض للأذكياء، وفي السيدات أكتر من الرجالة ويصيب السيدات قبل الدورة بعنف شوية».
وأوضح موافي أن الصداع النصفي سببه غير معروف، وكشف عن سببه، موضحًا: «فيه شريان في المخ يقفل ثم يفتح بعنف وبيقفل ثواني»، لافتًا إلى أنه يتم تشخيصه بسهولة حينما يشعر المريض باقتراب حدوث الصداع النصفي.
كيفية حدوث الصداع النصفي
وتابع موافي: «لما الشريان بيقفل بيأثر على الدم في المخ وكمية الدم اللي رايحة لحتة معينة هتتأثر، وحسب الحتة دي حسب الشريان بتاعها يعني فيه شريان يقفل في منطقة الرؤية يخليه يشوف حاجات مش موجودة، ولو اصاب منطقة السمع يسمع حاجات مش موجودة أو ودنه يحصل فيها حاجة، وأهم حاجة ان العيان يعرف ان الصداع جاي».
وتحدث موافي عن نوع آخر من الصداع، موضحًا: «لكن فيه صداع في نص راسي بس لكن مهوش نصفي لأن الصداع النصفي نتج عن شريان قفل، فاداني إنذار إن الصداع جاي ثم فتح بدأ الصداع بقا ولما الشريان فتح فالدم تدفق في منطقة، لدرجة إن العيان بيحس أحيانا أن شرايينة بتنبض»، مؤكدًا عدم خطورة ذلك، ووصفه بأنه «مقرف شوية»، مطالب مرضى الصداع النصفي بأن «يستحملو».