حبها للخير جعل ابنة محافظة الإسكندرية، تفكر في مساعدة غيرها عن طريق تحضير سندوتشات المدارس للأطفال غير القادرين من أهل منطقتها مجانا، لزرع الفرحة في قلوبهم بمساعدة أبنائها.
مبادرة أخلاقنا الجميلة
وتزامنا مع مبادرة «أخلاقنا الجميلة» والتي تستهدف التأكيد على الأخلاق التي تربينا عليها والإنسانية، أرادت«هويدا هيكل» من محافظة الإسكندرية أن تساعد الأطفال غير القادرين وخلق السعادة في قلوبهم، إذ قامت بتحضير وجبات المدارس مجانا:«أنا نفسي من بدري أعمل حاجة أساعد بيها غيري، لغاية لما جت فكرة أني أعمل وجبات مدارس للأطفال وأوزعها عليهم في الصبح» بحسب ما روته خلال حديثها لـ«».
ابنة محافظة الإسكندرية تجهز وجبات المدارس بمساعدة أبنائها، إذ تقوم بتوزيعها بين أهالي منطقها من الساعة 7 صباحا حتى الـ7 ونصف صباحا قبل ذهابها للعمل الخاص بها: «إحنا بننزل أنا وأولادي من الساعة 7 الصبح لغاية الساعة 7 ونصف عند المنطقة بتاعتنا وكمان في وجبات بنوديها لدار أيتام ودي بطلعها الساعة 12 الظهر».
حالة من الفرحة والسعادة تسيطر على الأطفال بعد أن تقوم «هويدا» بتوزيع الوجبات عليهم، إذ لاقت الفكرة إقبالا شديدا من قبل الأهالي والبعض تشجعها على استكمال فكرتها: «الأطفال كانوا فرحانين طبعا وناس كتير من المنطقة شجعونا وقالوا في جيران عندهم محتاجين ووزعنا ليهم».
أنواع السندوتشات المقدمة للأطفال
أنواع مختلفة من السندوتشات تقدم للأطفال: «الوجبة بيكون فيها سندوتشات جبنة بيضاء وشيدر وكمان لانش وساعات بحط بلح وبنبوني ونفس الأكل اللي بقدمه لأولادي هو اللي بقدمه للأطفال»، متمنية أن تستمر في فعل الخير وتساعد الكثير من الأشخاص: «نفسي عملي الخيري ده يكبر وأساعد عدد كبير من الناس وكلنا نفضل نساعد بعض».