رغم ارتفاع درجات الحرارة الشديدة، ونسب الرطوبة العالية في الأجواء إلا أن ذلك لم يزعزع من عزيمتهم للانطلاق في كسب الرزق بشوارع المحروسة، إذ يتغلب الباعة الجائلين على درجات الحرارة المرتفعة بوسائلهم المبتكرة.
«عزيزة» تعتمد على شمسية لمواجهة الحر
عزيزة محمد الشهيرة بـ«أم رضا» تجلس على أحد أرصفة الشارع لبيع الخبز، كان تتجنب الحر بـ«شمسية» قديمة استعارتها من أحد جيرانها من الباعة: «أنا ست كبيرة ولازم اشتغل علشان بصرف على نفسي وأولادى، في واحد منهم محتاج أساعده في جوازه، ومينفعش يوم أغيب عن الشغل، وحتى لو الجو حر، معايا شمسية هي قديمة بس شغالة وبتحميني من الشمس وده بالنسبة لي أهم حاجة».
رش المياه على الأرض
أما محمد عبد العزيز صاحب عربة تين شوكي، يتغلب على درجات الحرارة برش المياه على الأرض «مفيش حاجة أقدر أستخدمها علشان أمنع الحر، لكن الحيلة الوحيدة اللي بقدر عليها هي إزازة مية أرشها حوليا علشان أقلل درجة الحرارة شوية».
وكانت هيئة الأرصاد الجوية أعلنت أن شهر أغسطس يشهد ذروة ارتفاع درجة الحرارة بداية من يوم الاثنين 22 من الشهر الجاري، وأن تلك الموجة تستمر لمدة أسبوع.
تجميد زجاجات المياه قبل النزول للعمل
«سعد» 12 عاما، يتجول مع والده لبيع المانجو على عربة مكشوفة، قال خلال حديثه لـ«» إنه يعتمد مع والده على تجميد زجاجات المياه قبل نزولهما للعمل حتى تساعدهم على مواجهة درجة الحرارة المرتفعة:«الأزايز بتكون متجمدة فبتساعدنا على أننا منحسش بالحر، ولو اتعرضت للشمس فترة طويلة باخد الأزايز دي وأحطها على جسمي علشان يبرد، وأهي منها شرب وتسقيع، لغاية ما درجة الحرارة تخف شوية وترجع لطبيعتها».