رغم تحديات البرد القاسي التي نمر بها في تلك الأيام، مرورًا بعواصف لم نكن نسمع عنها في مصر من قبل، لتأتي عاصفة هبة وغيرها من عواصف الصقيع القارس، إلا أن الكفاح هو الغاية الوحيدة أمام 3 أصدقاء كل منهم من بلد غير الآخر، ولكن تجمعوا في العمل، ليكون قلبهم على قلب بعض.
«رجب وجمعة وعفيفي»، يعملون بالنظافة في حي الدقي التابع لمحافظة الجيزة لفترة لم تكن بالكبيرة، ليروي «رجب» صاحب الـ 53 عاما، خلال حديثه مع «»، بأن فترة عمله تبدأ من الساعة 8 مساء حتى الساعة 3 صباحا، وأنه موظف بمجلس مدينة المحافظة.
رجب أضاف أنه في مهنة النظافة منذ مدة تصل لـ 11 سنة، وقبل عمله في مجال النظافة كان يعمل في الأعمال الزراعية، «كنت شغال في الفلاحة، على دراعي»، لافتًا إلى أنه من المنوفية، «كنت شغال مع ناس فلاحين عندهم أرض بس بعدها ربنا كرمني بالشغلانة دي واشتغلت فيها».
رجب قال إنه متزوج ولديه 5 أبناء، قائلًا: «معايا 5 عيال، محدش منهم في التعليم، 2 بنات و3 صبيان ومش بيشتغلوا ومش بيساعدوني في العيشة».
جمعة: بشتغل من 9 بالليل لـ5 الصبح
وعلى الجانب الآخر، تحدث «جمعة» ابن مدينة العياط، وأحد عمال النظافة بحي الدقي لـ«»، عن طبيعة عمله في ميدان الدقي، «بشتغل من الساعة 9 بالليل لغاية الساعة 5 الصبح»، لافتًا إلى أنه غير تابع لمجلس مدينة المحافظة، ألا وهو تابع لمقاول، «بنشتغل مع المقاول واليومية واقعة بـ 40 جنيه، والحمد لله أهو عايشين على الحسنة اللي جاية من برا، ومش بشتغل شغلانة تانية غير الشغلانة دي».
كان رجب قبل عمله في النظافة، يعمل في مجال غسيل السيارات، «كنت بغسل عربيات في كافيتيريا عندنا في العياط، وشغال في النظافة يدوب من سنة، نفسي المرتب يزيد والمقاولين يبصولنا، وطبعًا المقاول ممكن يستغنى عني في دقيقة أي وقت».
وأضاف أنه بجانب العمل في النظافة، «بشتغل في الغيط برضو وفي الفلاحة، أنا طبيعي شغلي في الأساس فلاح، بس سيبت الفلاحة عشان مش جايبة همها، بس لو حد عاوز أي حاجة أو شغل مني باليومية بروح».
«عفيفي» قال إنه يمتهن النظافة منذ حوالي 3 سنوات، «بشتغل مع مقاول في النظافة برضو، زي جمعة، وأهو الحمد لله، وشغلنا مع المقاول، لو في الدقي أدينا شغالين، مثلًا المقاول هيتنقل في حتة تانية بنروح معاه، ولو مفيش شغل بنبقا قاعدين من غير شغل، وكله على الله، والحمد لله رضا ماشية»